சூன்யம் உரித்தல்

யாரும் குளிக்காத நதியோரம்

சிலும்பும் கரையோரப் பன்னீர்ப்புஷ்பமாய்

நினைவுகள் அலையடுக்கும்.

பாடமுடியாமல் போன

இராகங்கள் நினைந்து

கருவிலேயே உதிர்ந்துபோன

கவிதைகள் நினைத்து

இனமில்லா இனிய சோகங்கள் நினைத்து

இயலாமல் போன ஸ்நேகங்களை நினைத்து

மனமரம் நிகழ்ச்சிச் சருகுகள்

உதிர்த்து ஞாபகச் சுள்ளிகள் அடுக்கும்.

சூழ்நிலைச் ஜல்லிகள் புரட்டி

என் வெளித்தோற்றத்தைத் தார் பேர்த்து

சூன்யம் உரித்து எறும்பு ஒன்று

புற்றுதோறும் அலையும். 

-- 84 ஆம் வருட டைரி.