26.காய்கனி சந்தை
காய்கறிச் சந்தை செல்லலாம்
பைநிறையக் காய்கனி வாங்கலாம்
கத்திரிக்காயும்
வாழைக்காயும்
சாக்குப்பையில் கட்டிக்கிடக்கு
26.காய்கனி சந்தை
காய்கறிச் சந்தை செல்லலாம்
பைநிறையக் காய்கனி வாங்கலாம்
கத்திரிக்காயும்
வாழைக்காயும்
சாக்குப்பையில் கட்டிக்கிடக்கு
பூந்தோட்டம்
பூந்தோட்டம் பார்த்தேனே
பூக்கள் எல்லாம்
சிரித்தனவே
மல்லி முல்லை ஜாதிப்பூ
வெள்ளைப் புன்னகை செய்தனவே,
அய்யன்
வள்ளுவன் வழி நடப்போம்
அன்னை தந்தை உலகம்
என்று
ஆதி வணக்கம் சொன்னாரு
ஒழுக்கம் கல்வி அன்பு
பண்பு
அறம் மேன்மை என்று
ஒரு நூறு குறள் சொன்னாரு
மிருகக் காட்சி சாலை
சித்து ஒருநாள்
தொலைக்காட்சியில்
மிருகங்கள் பாடுவதைப்
பார்த்தானே
அப்பா அப்பா
இவையெல்லாம்
எங்கே இருக்கெனக்
கேட்டானே
மிருகக்காட்சி சாலையிலே
இவையெல்லாம்
பார்க்கலாமே
என்று தந்தை உரைத்தாரே
அப்பா நானும்
பார்க்கணுமே
என்றே சித்து கெஞ்சினானே
எல்லைக் காவல் வீரர்கள்
வல்லரசுப் போட்டியிலே
வன்மம் கொண்ட நாடுகள்
ட்ரோன்கள் விட்டு உளவறிந்து
குண்டு வீசிச் செல்லுது
இரும்பு டாங்கி வருகுது
இரக்கமில்லாமல் குண்டு போடுது
மேலே விமானம் பறக்குது
மழை போல் குண்டு பொழியுது
அணுகுண்டை அள்ளி வீசி
ஆளைக் கபளீகரம் செய்யுது
எங்கும் குண்டு எதிலும்
குண்டு
மனிதனை மொத்தமாய்
அழிக்கும் குண்டு
எல்லைச்சாமி போல நின்று
எல்லையைத்தான் காக்கின்றார்
எல்லைக் காவல் படையினர்
நாட்டை காக்கும் வீரர்கள்
பனி படர்ந்த மலையிலும்
பாசறைகள் அமைத்துமே
உயிரை துச்சமாய் கருதியே
கண் விழித்து காக்கிறார்.
ஊடுருவல் செய்கின்ற
உளவாளிகளையும் தீவிரவாதிகளையும்
எல்லையிலே தடுக்கிறார்.
எதிர்த்தால் எகிறி
அடிக்கின்றார்.
நாட்டில் பாதுகாப்பாய் நாம்
வாழக்
காவல் அரண் செய்கிறார்
எல்லை சாமி இவரை போல்
எங்கும் கண்டதுண்டோ ஒரு
தெய்வம்
வருடம் முழுதும் வீட்டை
பிரிந்து
உதிரம் கொட்டிக் காக்கின்றார்
பாதுகாப்பாய் நம்மை காக்கும்
பாதுகாவலர் படை இது
நாட்டின் எல்லை காக்க உழைக்கும்
நல்லோரை வணங்குவோம்
வீட்டில் ஒருவர் இவரை போல
சிக்கி முக்கி கல்
சிக்கி முக்கி கல்லைத் தேய்த்து
சிறு நெருப்பைக் கண்டுபிடித்தார்.
அரணிக் கட்டை கொண்டு கடைந்து
யாக வேள்வி செய்து வைத்தார்
தீக்குச்சியில் மருந்தை அடைத்து
நெருப்பை அதில் ஒளித்து வைத்தார்
உரசும் போது உயிர் பெற்று
ஒளிரும் அந்தத் தீக்குச்சி
விறகை கொண்டு மண் அடுப்பினிலே
விதம் விதமாய்ச் சமையல் செய்தார்
சுருட்டைத் தூளும் சிராய்த்தூளும்
சுள்ளிகளும் கொண்டு அடுப்பெரித்தார்.
குமுட்டி அடுப்பு கோட்டை அடுப்பு
கரி அடுப்பு இரும்பு அடுப்பு
ரம்பத்தூள் அடுப்பு தவிட்டு அடுப்பு
மண்ணெண்ணெய் அடுப்பு, சாணவாயு அடுப்பு,
எரிவாயு அடுப்பு மின்சார அடுப்பு
சூரிய அடுப்பு தூண்டல் அடுப்பு
எத்தனை அடுப்பு எத்தனை சமையல்
இத்தனையும் ஒரு சாண் வயிறு நிரப்ப.
சுடுகாற்றலை கொண்டு சமைக்கின்றார்
எரிவாயு கொண்டு சமைக்கின்றார்
மின்சாரம் கொண்டு சமைக்கின்றார்
சமைத்து சமைத்து உண்கின்றார்.
உணவைச் சமைத்து உண்ணும் மனிதரே
மனதை செம்மையாய்ச் சமைத்து வாழுங்கள்
உணவைப் பகிர்ந்து உண்ணக் கொடுத்து
மனிதம் போற்றி மகிழுங்கள்.
கார்மேகம்
கார்மேகம் வந்தது
கனத்த மழை பெய்யுது.
நீர்நூலைச் சேர்த்து சேர்த்து
அருவி நெசவு செய்யுது.
ஓடைத்துண்டாய் விழுகுது
நதிச்சேலையாய் நெளியுது.
அனைத்தும் ஓடி ஓடிவந்து
நீலக்கடலில் கலக்குது.
நீர்மேல் சூரியன்
உலவுது
கதிரில் வெப்பம் பரவுது
.
ஆவியாகி நீர் எழும்புது
மேலே கொஞ்சம் செல்லுது
கருத்த யானை உருக்கொண்டு
கார்மேகம் ஆகுது
மீண்டும் மழை பெய்யுது
இதுவே இயற்கை சுழற்சியாம்
இனிய எளிய தலைவர்கள்
காந்தித் தாத்தா வந்தாரு
சத்திய வழியில் நடந்தாரு.
நேரு மாமா வந்தாரு
நல்லாட்சியைத் தந்தாரு .
அண்ணல் அம்பேத்கர் வந்தாரு
சட்டம் ஒழுங்கு செய்தாரு.
கர்மவீரர் வந்தாரு
கல்வியோடு சத்துணவு தந்தாரு.
இனிய எளிய தலைவர்கள்
நாட்டை உயர்த்திச் சென்றார்கள்.
சுதந்திரத்தைத் தந்தார்கள்
சுகமாய் வாழச் செய்தார்கள்.
மக்கள் மனதில்
நிறைந்தார்கள்
மகத்துவமான
மனிததெய்வங்கள்.
இவரை நாமும் போற்றுவோம்
இவரை பின்பற்றி வாழுவோம்.