இனிமையாய்க் கோபப்படக் கற்றுக்கொள் :-

இனிமையாய்க் கோபப்படக் கற்றுக்கொள் :-

இனிமைச் சரிவாய்க் கோபப்படத் தெரியுமா உனக்கு ?

கண்ணும் மூக்கும் துடித்துச் சிவக்க

,மௌன ஆக்ரோஷமாய்க் கோபப்படத் தெரியுமா ?

மூக்கு விடைக்க நொறுக்கும் விரைப்பில்

கைகள் நெரித்துக் கொள்ள

எண்ணையில் போட்ட கடுகின் அவசரமாய்ப்

பொரியத் தெரியுமா உனக்கு ?

தக்காளிச் தீச்சலின் செகப்பாய்

மிளகாயின் கார நெடிப் படுமையாய்

சடசடக்கும் கறிவேப்பிலை மணமாய்க்

கோபப்படத் தெரியுமா உனக்கு ?

மின் விசிறியின் வெம்மைத் தகிப்பாய்

வெகுளத் தெரியுமா உனக்கு?

பொய்க் கோபமாய் மனசைத் தொடாத

முக எரிச்சலாய், சிடுசிடுமூஞ்சியாய்

எரிமலை வெடிப்பாய் கோபப்படத் தெரியுமா உனக்கு?

சீக்கிரமாய்க் கோபப்படக் கற்றுக் கொள்

இல்லையேல் உன்னை நீயே

மறந்து இழந்து போய்விடுவாய். !

-- 85 ஆம் வருட டைரி