இறங்குதல்

எந்த இடத்தில் இறங்குவது
இருட்டாயிருக்குமோ
கள்வர் பயமிருக்குமோ
துஷ்டப் பிராணிகள் துரத்துமோ
குலைத்துத் தள்ளும் நாய்கள்
அமாவாசை இருட்டு
சலசலக்கும் பனைகள்
மயானத் தீப்பந்தம்..
யார் யாரோ எந்த பயமுமின்றி
இறங்கிப் போய்க் கொண்டிருக்கிறார்கள்.
கடந்து போய்க் கொண்டே இருக்கிறேன்,
அரைகுறைத் தூக்கத்தோடு.
பேருந்தில் அமர்ந்து
எங்கே எப்படி இறங்கப் போகிறோம்
என்ற கவலையோடு.