வாங்கும்போது பிடிக்கும்
உடுப்புக்கள் ஏனோ
அணியும்போது
பிடிக்காமல் போய்விடுகிறது
குழந்தைகளுக்கு.
போட்டுக்கொண்டு
இது லூசா இருக்கு
இதப் போட்டுட்டு சைக்கிள்ள போனா
ஊரே என்னைப் பார்த்துச் சிரிக்கும்
என அழுதான் சின்னவன்.
ஆம் ஊருக்கு வேறு வேலையில்ல
உன் பாண்ட் லூசா டைட்டானுதான்
பார்த்துட்டுத்தான் சிரிக்குமாக்குமென்று
நாங்களும்
சிரித்துக் களித்தோம்.
அந்தக் கண்ணீர் ஞாபகம்
வரும்போதெல்லாம்
நாம் எவ்வளவு
கொடுமையாளர்களாய் இருந்தோம்
எனத் திகிலடிக்கிறது.
கருத்துகள் இல்லை:
கருத்துரையிடுக
பதிலுக்கு நீங்களும் கிறுக்குங்க.. :)))