இனிய எளிய தலைவர்கள்

இனிய எளிய தலைவர்கள்

காந்தித் தாத்தா வந்தாரு

சத்திய வழியில் நடந்தாரு.

நேரு மாமா வந்தாரு

நல்லாட்சியைத் தந்தாரு .

அண்ணல் அம்பேத்கர் வந்தாரு

சட்டம் ஒழுங்கு செய்தாரு.

கர்மவீரர் வந்தாரு

கல்வியோடு சத்துணவு தந்தாரு.

 

இனிய எளிய தலைவர்கள்

நாட்டை உயர்த்திச் சென்றார்கள்.

சுதந்திரத்தைத் தந்தார்கள்

சுகமாய் வாழச் செய்தார்கள்.

மக்கள் மனதில் நிறைந்தார்கள்

மகத்துவமான மனிததெய்வங்கள்.

இவரை நாமும் போற்றுவோம்

இவரை பின்பற்றி வாழுவோம்.

இயல்பாய்..

நிறுத்து
வெளியேறு என்கிறார்கள்
வார்த்தைகளுக்குள்
சிக்கிக் கொண்டிருக்கிறேன்
மௌனத்தின் சுவர்
அச்சுறுத்துகிறது
பேச்சிழந்தபோதெல்லாம் துயில்கிறேன்
எழுந்ததும் வார்த்தைகளும்
என்னுடன் விழித்துப்
போட்டி போடுகின்றன.
இருவரும் போராடுகிறோம்
ஒருவரை ஒருவர் விட்டுவிட.
சகித்துக் கொண்டு
வாழவும் பழகிவிட்டோம்.
மீளாத்துயில்வரை
என்னையும்
வார்த்தைகளையும்
நீங்களும் இயல்பாய்
எடுத்துக் கொள்ளுங்களேன்

குளிர்

ஓவியமாய்ச் சமைந்திருக்கிறது

மின்விசிறி

ஆனாலும் குளிர்கிறது