அர்ஜுனனானது

இன்று நான்

அர்ஜுனனானேன்

இந்த உலக விருட்சம்

கண்ணில் படவில்லை.

கண்ணை உறுத்து விழிக்கும்

கிளைக்கட்டிடங்கள் புரியவில்லை

சலசலக்கும்

இலைமனிதர்கள் தெரியவில்லை.

என் நாண் துடிக்கிறது

மாங்கனியும் தெரியவில்லை

காம்பாய்த் துடிக்கும் உன் முகம்.

கோபத்தால் சிவக்கும் உன்முகம்

மட்டும் தெரிந்தது.

என் நாண்

ஆணைக்குக் காத்திருந்தது .

சுமைதாளமுடியாமல்

துடித்துக்கொண்டிருந்த உன்னை

சமப்படுத்த என் மன அம்பு

மறுகிக் கொண்டிருந்தது.

ஆம் இன்றுதான் நான்

அர்ஜுனனானது