மிகவும் மிகவும்.

மிக நீண்ட நாட்களாகிவிட்டது
மிக அருமையான கவிதை புனைந்து
மிக ருசியான காப்பி அருந்தி
மிக நேர்த்தியான உடைகள் அணிந்து
மிக லாவகமாக உன் கண்களைக் கவனித்து..

மிக நீண்ட நாட்களாகிவிட்டது
மிக வேகமான சொற்களோடு
மிக இடைவெளியில் தள்ளி அமர்ந்து
மிக ஆர்வத்தோடு கை கோர்த்து
மிகப் பசியோடு உணவை உண்டு..

மிக நீண்ட நாட்களாகிவிட்டது
மிக அணைப்பில் வாசம் உணர்ந்து
மிக அவசரத்தில் கூடிப் பிரிந்து
மிக இன்பங்களை அள்ளிச் சுவைத்து
மிகவும் மிகவும் அவசரத்தோடு கடக்கிறோம்