எனது 24 நூல்கள்

எனது 24 நூல்கள்
எனது இருபத்து நான்கு நூல்கள்

புதன், 26 டிசம்பர், 2012

சகஜதீபம்..

உருவத்திலிருந்து உருவமற்றதை
உருவமற்றதில் இருந்து உருவத்தை
உருவிக் கொண்டிருக்கிறீர்கள்.
உள்ளத்தின் உருவைப் பாருங்கள்.
உதடுகளில் வார்த்தைகளை
உருவாக்கிக் கொண்டேயிருக்கிறீர்கள்.
உள்ளன்பான வார்த்தைகள்
ஒன்றிரண்டே போதும்.
மறைந்திருக்கிற ஒன்றைத்
தேடிக் கொண்டேயிருக்கிறீர்கள்.
மனதுள் பாருங்கள்.
மறைத்ததெல்லாம் தெரியும்.
புத்தியில் அமர்ந்து
பயணித்துக் கொண்டேயிருக்கிறீர்கள்
இறங்கிக் கொஞ்சம்.
இதயத்துள்ளும் காலார நடங்கள்.
இரத்தம் தேக்கும் மதகல்ல மனது.
இறையெனும் இரையெடுங்கள்.
இன்பச்சுற்றுலாவாகும் வாழ்வு.
பயிற்சியால் முயற்சியால்
பலகாலம் வெல்கிறீர்கள்,
சகஜதீபத்தை ஏற்றுங்கள்
பரிபூரணமாகும் தேடல்.

கருத்துகள் இல்லை:

கருத்துரையிடுக

பதிலுக்கு நீங்களும் கிறுக்குங்க.. :)))

Related Posts Plugin for WordPress, Blogger...