சூரியப்பறவை..

இரவுக் கூட்டில் சோம்பல் முறித்து
கதிர்ச் சுள்ளிகள் தெறிக்க
வெளிச்ச இறக்கைகள் விரித்து
பூமியின் ரகசியங்களை
ருசித்தபடி பறக்கிறது சூரியப் பறவை....!!!

நத்தை மேகம்..

நத்தை மேகம்
அவ்வப்போது தலை நீட்டி
மழையாய் ஊர்ந்து கொண்டே..

அன்புச் சிறை..

இறக்கைகள் உண்டு..
பறக்க முடியவில்லை..
உன் அன்பெனும் சிறையில் நான்.

மின்மினிப்பூக்கள்..

இருள் மரத்தில் பூச்சொரியும்
நெருப்புப் பூக்களாய்
மின்மினிப் பூச்சிகள்.

மெழுகுக்குள விட்டில்..

பார்வைத்தீயெரிய
மெழுகுக்குளமாய் ஈர்க்கிறாய்..
மூழ்கப் பாயும் விட்டிலாய் நான்..

இனிப்பு ஈ..

விரட்ட விரட்ட ஈயைப் போலவே
சுற்றுகிறது உன் நினைவு..
என்னை இனிப்பாக்கி..

சில்வண்டுகளின் சேர்ந்திசை..

உன் அருகாமையற்ற இரவுகளில்
சில்வண்டுகளின் சேர்ந்திசை
என் துணையாய்..:)

பொன்வண்டுக் கண்கள்..

நினைவுப் பெட்டிக்குள்
ரகசியமாய் ஒளிந்து கிடக்கிறது
நான் பதுக்கி ரசிக்கும்
உன் பொன்வண்டுக் கண்கள்..

ஹெலிகாப்டர் பூச்சி.

ஹெலிகாப்டராய் பறந்து வருகிறது தட்டாரப்பூச்சி..
அதன் வாலில் கட்டிய கயிற்றைப் பிடித்துப்
பறந்து வருகிறார்கள் குழந்தைகளும்.

ஏகப்பூ விரதம்..

எத்தனை பட்டாம்பூச்சிகள் கடந்தன..
நீ மட்டும் சுற்றிக் கொண்டிருக்கிறாயே..
அலுக்காமல்., சலிக்காமல்.
ஏகப்பூ விரதமா..:)

துயில் எழுப்புதல்..

இதழ்களில் இதமாய் முத்தமிட்டு
பூக்களைத் துயில் எழுப்புகிறது
பட்டாம்பூச்சி..:)

எதிர்வீட்டு வண்ணத்துப் பூச்சி..

அழகு இறக் கைவிரித்தபடி
என் கைப்பூவில் தொற்றி அமர்கிறது
எதிர்வீட்டுக் குழந்தை
வண்ணத்துப் பூச்சியாய்..

முகப்பட்டாம் பூச்சி..

உன் கைப்பூவில் பொதிந்து
இமைச்சிறகு சோர களைப்பாறுகிறது
என் முகப்பட்டாம்பூச்சி....!

சிறகுச் சிறை..

கட்டுப்பாடுகள் நெருக்க
சில சிறையுடைத்துப் பறக்கின்றன.
சில சிறகொடிந்து மரிக்கின்றன.

சூரியப் பட்டாம்பூச்சி..

அணைத்திருந்த இரவை
விடியல் சிறகால் உதறிப்பறக்கிறது
சூரியப் பட்டாம்பூச்சி..

இடப்பெயர்ச்சி;;

நெருங்கி வந்தாய்..
இதழ்களிலிருந்து வயிற்றுக்கு
இடம்பெயர்ந்தன பட்டாம்பூச்சிகள்..:)

தாகம்.

தினம் தினம்
இதழ் இதழாய்த் தேடிக்கொண்டே..
தாகம் அடங்கவில்லை
பட்டாம்பூச்சிகளுக்கு...

மனப்பூ...

மனப்பூவில்
தேன்மாந்திக் கிடக்கின்றன
உன் நினைவென்னும் தேனீக் கள்..

.

புன்னகைப் பட்டாம்பூச்சி:-

புன்னகை
உன் இதழில்
ஒரு பட்டாம்பூச்சியைப் போல
சிறகடித்துக் கொண்டிருந்தது.
அதைப் பார்க்கப் பார்க்க
பறந்து வந்து
என் இதழ்களிலும் அமர்ந்தது.

ப்ளாக்..BLOCK.

எவ்வளவு போக் (POKE)
எவ்வளவு லைக் (LIKE)
எவ்வளவு கமெண்ட்.(COMMENT)
எவ்வளவு ஷேர் (SHARE)
ஒரு நட்பென்னும் தேரை
இழுத்துச் செல்ல..

ஒரு சின்ன கோபம்
ஒரு சின்ன கருத்து வேறுபாடு
ஒரு சின்ன பிடிவாதம்
ஒரு பெரிய பொசசிவ்னெஸ்.!!!
கண்ணில் நிலைதட்டி
காணமல் (BLOCK) அடிக்கச் சொல்கிறது.

தாய் வாசம்..

பால்வாசம் சுமந்த
பச்சை உடம்புக்காரி
கடந்து போனாள்..
பச்சைப் பிள்ளையாகித்
தாய்வாசம் உணர்ந்தேன்.

உதறப்பட்ட வார்த்தைகள்.

மௌனக்கூடுடைத்து
வார்த்தை சிறகுகளில்
வலம் வரும் பட்டாம்பூச்சிகள்
வீழ்ந்து கிடக்கும்
வெள்ளைத்தாள்களில்
தொத்தி தொத்தி
கிறுக்கலாகின்றன.
நிம்மதியின்மையை
சுமந்த தாள்
தாளமுடியாமல்
காற்றில் தலைதிருப்பி
உழன்று கொண்டிருக்கிறது,
உதறப்பட்ட வார்த்தைகளோடு.

நாடோடி..

மூடிக்கிடக்கும்
மேகக்காட்டின் கீழ்
பூத்துத் திரிகின்றன
பட்டாம்பூச்சிகள்..

தேடல்..

நித்தமும்
எதையோ தேடி
அலைகிறது பட்டாம்பூச்சி..
நினைத்தது
கிடைத்து விட்டாலும்
இறக்கையை
முடக்குவதில்லை..

காதல் கூலி..

கண்ணுக்குள்
குடித்தனம் புகும் காதல்
முத்தத்தை
குடக்கூலி்யாய்க் கேட்கிறது.

சிறகின் காதல்..

காதல்
பட்டாம்பூச்சியின்
சிறகைப் போல மென்மையாய்
என்னைத் தொட்டுச் செல்கிறது.
அதன்
வண்ணங்கள் அப்பி
என்
கன்னங்கள் சிவப்பானது...

மழை..

மேகத்தின்
ஈரக்கொண்டை பிரிந்து
உதிரும் நீர்க்கூந்தல்..