பிரபஞ்சச் சுருள் :-

வெளிச்சம் :-

அணை பொங்கி வழிகின்றது,

பிரபஞ்சச் சுருளிலிருந்து.

தூசிப்பூக்களை

மிதக்க வைத்துக்கொண்டு.

கரை அணையென்ற

தளைகளைத் தகர்த்து

வெள்ளம் பொழிகின்றது.

தாவரங்களைப் பசுமையாக்கி

மனிதம் துவைத்து

மார்க்கண்டேய வரம் எடுத்து

வெளிச்சம் பாய்கின்றது..

-- 85 ஆம் வருட டைரி 

சூரிய நண்பன்

சூரிய நண்பன்

கிரணங்கள் காட்டி

பசுமை செதுக்குவான்.,

என்னைச் சமைத்த

உன்னைப் போல.

சலசலத்தோடும் நீரோடை

மனசு சூட்டிக்கொண்ட

உன் நினைவுக் கொலுசின்

இதமான சிதறல்போல.

-- 85 ஆம் வருட டைரி 

காற்று மரம் கடையும்

காற்று மரம் கடையும்

காலம்

தீப்புண் வடுவாக்கி

நிறம் தோய்க்கும்.

கருங்கிளைகள்

முகம் கலைத்துத்

துயில் அவிழ்க்கும்.

பனிப்புற்கள்

பூ விழுங்கி

நிலம் கடிக்கும்.

ஈரத் தடம் பதிக்கும்

என் நெஞ்சில்

உன் நினைவைப் போல.

-- 85 ஆம் வருட டைரி

தாய்

உடனிருந்தும்
அறிமுகம் உணரப்படாத 
ஆளாகி விடுவோமோ ? 
அள்ளிக் கொடுத்தும்
ஆயாசமடையாத 
தாயின் மனவோட்டம்.
நானே அனைவருக்கும் தாய்.
அனைத்திற்கும் தாய் !. 
எங்கும் நான். 
எதிலும் நான். 
எல்லாமுமாய் நான். ! 

-- 82 ஆம் வருட டைரி.

மரபோவியம்

நீ எவ்வளவு பெரிய அழகிய மரபுஓவியம்.

நாங்களோ சின்னப்பிள்ளை கீறல்கள்போல்

மார்டர்ன் ஆர்ட்டுகள்.

நாங்கள் சாயம்போன வண்ணச்சோகங்கள்.

நீ எத்தனை காப்பியங்களின்

மணிமுடியை உணர்ந்திருப்பாய்

நாங்கள் புதுக்கவித்துவம் பெற்றுப் போட்ட

அரைகுறைப் பிரசுபங்கள்.

உன்னைப் பின்பற்ற எங்களுக்குத் தகுதியிருக்கிறதா. என்ன. ?

-- 85 aam varuda diary :)