ஆலவட்டமிடும் ஒளிவட்டம்.

நிம்மதியாக சிறிது நேரம் உறங்குங்கள்
அசைபோட்டு ஆசையுடன் உணவருந்துங்கள்
ஜன்னலோரம் அமர்ந்து நீர்கொத்தும் புறாக்களுடன்
ஆவிபறக்கும் காஃபியைக் குடியுங்கள்
அலமாரியில் அடைத்திருக்கும் உடைகளை
உடுத்துங்கள் அல்லது கொடுத்துவிடுங்கள்
சுற்றமுடிந்த இடங்களுக்குப் போங்கள்
எழுத நினைத்தவற்றை எழுதி விடுங்கள்
பேச முடிந்தவருடன் பேசுங்கள்
விரும்பாத எதனிடமிருந்தும் விலகியிருங்கள்
உங்களை நன்றாக வைத்துக் கொள்ளுங்கள்
இறுக்கம் தவிர்த்து வாய்விட்டுச் சிரியுங்கள்
ஒளிவட்டம் உள்ளிருந்தே ஆலவட்டமிடும்.