சுப்ரபாதம்

தாவரங்கள் சாமரம் வீச 
பறவைகளின் உலகம் 
புலர்ந்து கொண்டிருக்கிறது. 
மாற்றி மாற்றிக் கூவி 
சுப்ரபாதம் இசைக்கின்றன.
 

எப்பக்கம் ?

ராணிதான்
எப்பக்கமும் நகரலாம்.
எதிரில் நிற்கும் யாருமே
எதிரியல்ல எனும்போது
எங்கு நகர்வதெனத்தான் தெரியவில்லை
  

கடத்தல்.

இறக்கி வைக்கிறோமென நினைத்துக்
கடத்திக் கொண்டிருக்கிறார்கள் பயத்தை.
கை மாற்றிக் கொண்டிருக்கிறேன்
என் பங்குக்கு நானும்

நோய்க் கொக்கு

நுரையீரல் மீனுக்குத்
தூண்டிலிட்டுக் காத்திருக்கிறது
கொரோனா கொக்கு
  

இதே..

இதே மஞ்சள் பூத்தட்டு
இதே நீலத் தாழ்வாரம்
பூக்களை உதறி உருள்கிறது
இதே சாம்பல் பூமி
  

அப்பாலுக்கப்பால்

பசுஞ்சாறாய்க் கனிகிறது பூமி
பொன்னிற மதுவாய்க் கனிகிறது வானம்
இதற்கு அப்பாலுள்ளது எந்நிறமாயிருக்கும்..