தொட்டிச் செடி வளர்ப்போம்.

தொட்டிச் செடி வளர்ப்போம் :- (UNEDITED )

பட்டுரோஸை ரசிக்கலாம்.
புதினா வாசம் பார்க்கலாம்
துளசி இலைகள் எட்டிப் பார்க்கும்
தொட்டிச் செடி வளர்ப்போம்.

காய்கறிக் குப்பையைப் போட்டு
மண்புழு உரம் கொஞ்சம் போட்டு
செம்மண் கொட்டி விதை தூவ
குட்டித் தொட்டி போதும்.

காலை மாலை நீரூற்றி

காயும் வெய்யிலில் சிறிது வைத்து

கண்ணும் கருத்துமாய் கவனித்தால்

கொள்ளை அழகாய்ப் பூ பூக்கும்.

ரோஜாப்பூவு தலையாட்ட

சாமந்திப் பூவு சாமரம் வீச

சங்குப் பூவும் இதழ் சிரிக்க

ஜன்னலோரம் செடி வளர்ப்போம்.

காற்றை சுத்தம் செய்யும்

வீட்டை அழகாய் மாற்றும்

அம்மாவின் சமையலுக்குதவும்

அருமையான செடிகள் வளர்ப்போம்.