வாய்மூடி
மனசடக்கித்
தோளில் தொங்குவது
பையா, நானா ?
பத்து வயதுப் பெண்ணாய்
நீளக் கைகோர்த்துக்
கழுத்தை வளைத்துப் பிடித்து
உப்புமூட்டை ஊர்வலம் போவது
பையா, நானா ?
பல்லில் கடிபடுவது
தாவாங்கட்டையில் அமர்ந்திருப்பது
பையின் கைப்பிடியா
என் மனப் பிடியா ?
உள்ளே அதிர்வு புதைத்து
முதுகுமேல் தொற்றி
வேடிக்கை பார்ப்பது
பையா, நானா ?
கழுத்திலிருந்து
முதுகு வரை
வழிந்துகொண்டிருப்பது
பையா, நானா ?
நானா, பையா ?
சிரமம்...
பதிலளிநீக்கு:)
பதிலளிநீக்குவலைப்பதிவர் ஒற்றுமை ஓங்கட்டும்.!
பதிலளிநீக்குஎன்றும் நம்முள் வலிமை பெருகட்டும்.!