பாதையெல்லாம் சேறு

பாதையெல்லாம் சேறு

பார்த்துப் போ

இருள்முன் வெறிச்சென்று நில்

ஒரு க்ஷணம் நிதானித்து

வழுக்கும் விழுங்கும் சதுப்புகள் பார்த்து

சருகென ஏமாறாமல் விலகிப் போ.

தரையெல்லாம் சேறு

தடம் பார்த்துப் பயணி. 

ஊன்றுகோல் நாடாமல்

நீருருஞ்சிய நிலம் பார்த்து நட.

புற்களின் கீழும்

வயல்களுக்குள்ளும்

மண் உமிழ்நீர் சுமந்து

வாய்பிளந்து நிற்கும்.

வயலுக்குள் விழாமல்

கால் நடாமல்

வரப்போடு நட.

-- 85 ஆம் வருட டைரி.