வாழ்வே மாயம் :-

வாழ்வே மாயம் :-

சலனங்கள் சலனங்கள்

மலையிலிருந்து கடல் வரை

சலனங்கள்.

எத்தனை முறை

அடிபட்டாலென்ன ?

திரும்பவும் நிமிரத்தெரியாத

தென்னையாய் மனிதனும்.

காற்றிலகப்பட்ட சருகு இவன்

இவனுக்கென்று பாதையில்லை.

காற்றின் பாதை

இவனின் இராஜபாட்டை.

மரத்தில் கல்லில் பட்டு

நொறுங்கிப் போகும்

சருகு இவன்.

நெருப்பில் பொசுங்கி

நீரில் சவுத்துப் போகும்

சருகு இவன்.

இடையில் எத்தனை

அலைச்சல்கள் ?

சபலங்கள் ?

விண்ணிலிருந்து மண் வரை

சபலங்கள்.

வாழ்க்கை

அந்தத்தில் பிறந்த ஆதி

ஆதியில் பிறந்த அந்தம்.

அது ஒரு தொடர் சங்கிலி

வளைந்து நிமிர்ந்து கொள்ள

கோரையிலிருந்து மனிதன்

கற்றுக்கொள்ள வேண்டும்.

-- 82  ஆம் வருட டைரி.