பந்தும் பந்தமும்..

பந்தும் பந்தமும்..
**************************
அதிகாலையின்   ஆட்டோ ..
பேருந்து நிறுத்தம் தோறும் கூட்டமாய்..

பகலில் ஆரம்பிக்கப்போகும்
பந்தின் நெரிசலும் நெரிப்பும்...

கடையடைத்து.,  கொடி கட்டி
போக்குவரத்தை வரையறுத்து..

சுற்றி வந்து ..கொள்ளையாய்க்
கூலி கொடுத்து ..

கீரைக் கட்டும்., பழமும்.,
காய்கறிக் கூடையும் சுமந்து.,

காக்காசு அரைக்காசாய்
மிச்சம் பிடித்து...

பையனுக்குப் பிடித்த
மிட்டாயை வாங்கச சென்றால் ..

பெட்ரோல் விலை ஏறிவிட்டதாம்..
மிட்டாயும் விலை ஏறிவிட்டது..

காய்ந்த பாத்தியும்..
குறைந்த விலை அரிசியும்..

கண்ணுக்குள் கலந்தடிக்க..
கூடைச் சும்மாட்டில் மிட்டாயும்..